Ընդդիմությանն ու իշխանությանը դեռ չի հաջողվում ընդհանուր հայտարարի գալ «Ընտրական օրենսգրքով» ընտրախախտումների դեպքերի մասին քրեական պատասխանատվության սահմանելու հարցի շուրջ:
Հիշեցնենք, որ ընդդիմությունը չի ընդունում իշխանության մոտեցումը, որ եթե ահազանգի դեպքում քաղաքացին չի կարողանում ապացուցել իր հայտարարության իսկությունը, պետք է քրեական պատասխանատվության ենթարկվի:
Ինչպես արդեն տեղեկացրել ենք, խորհրդարանում այդ առիթով փակ քննարկում էր ընթանում: Դրա ավարտից հետո, ՀԱԿ խմբակցության ղեկավար Լևոն Զուրաբյանը եւ ՕԵԿ խմբակցության ղեկավար Հեղինե Բիշարյանը լրագրողների հետ զրույցներում ասացին, որ դեռևս չի հաջողվել ընդհանուր հայտարարի գալ:
ՀՀԿ խմբակցության ղեկավար Վահրամ Բաղդասարյանն էլ ասաց, որ վիճելի որոշակի լրացումներ կատարելու վերաբերյալ մի քանի առաջարկություն է ներկայացվել, խմբակցությունները պետք է քննարկեն: Նա վստահեցրեց, որ օրվա ընթացքում հարցի վերաբերյալ հստակ դիրքորոշում կհայտարարվի:
Կարդացեք նաև
Նելլի ԳՐԻԳՈՐՅԱՆ
