Լեռնային Ղարաբաղի հակամարտությունը կարող է կարգավորվել միայն ԵԱՀԿ Մինսկի խմբի միջնորդությամբ: Այս մասին, ինչպես հաղորդում է «ՌԻԱ Նովոստին», հայտարարել է Հայաստանում Ռուսաստանի դեսպան Իվան Վոլինկինը:
«Կարող եմ ասել, որ խնդիրը կարող է լուծվել միայն ԵԱՀԿ Մինսկի խմբի միջնորդությամբ, ոչ մի այլ կողմնակի պետություն որևէ ազդեցություն կամ մասնակցություն չի ունենում: Ամեն ինչ կլուծվի Մինսկի խմբի շրջանակներում»,- ասել է նա՝ անդրադառնալով Թուրքիայի արտգործնախարար Մևլութ Չավուշօղլուի հայտարարությանը:
Ավելի վաղ Թուրքիայի արտգործնախարար Մևլութ Չավուշօղլուն հայտարարել էր, որ ԵԱՀԿ Մինսկի խումբը պետք է ակտիվացնի աշխատանքները ԼՂ հակամարտության կարգավորման ուղղությամբ: Նա նշել էր, որ քննարկվում է «Ադրբեջանի առնվազն 5 գրավված տարածքներից» հայկական զորքերի դուրսբերման հարցը:
«Որքան ես գիտեմ, այս ամսվա վերջին այստեղ պիտի ժամանեն միջազգային միջնորդները, որոնք կշփվեն և՛ այստեղի, և՛ Ադրբեջանի, և՛ Լեռնային Ղարաբաղի ղեկավարությունների հետ»,- ասել է դեսպանը:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
