Ադրբեջանի նախագահի աշխատակազմում կարծում են, որ Լեռնային Ղարաբաղի հակամարտությունը կարող է ցանկացած պահի նոր ուժով բռնկվել, ուստի միջազգային միջնորդները պետք է «կոնկրետ քայլեր» ձեռնարկեն խնդրի լուծման համար: Այս մասին գրում է «ՌԻԱ Նովոստին»:
Մասնավորապես, Ադրբեջանի նախագահի աշխատակազմի ղեկավարի տեղակալ Նովրուզ Մամեդովը «Ազերբայջան» պաշտոնական թերթում հրապարակված հոդվածում հիշեցրել է ապրիլին տեղի ունեցած սրացումը՝ մտավախություն հայտնելով, որ «Լեռնային Ղարաբաղում սառեցված հակամարտությունը կարող է ցանկացած պահի բռնկվել նոր ուժով»:
Մամեդովին վրդովեցրել է այն հանգամանքը, որ թեև «միջազգային միջնորդները հանդես են գալիս Ադրբեջանի տարածքային ամբողջության պահպանման օգտին, բայց, չգիտես ինչու, նախընտրում են հստակ դիրքորոշում չունենալ» այդ հարցում:
«Մենք համանախագահ-երկրներից, ինչպես նաև միջազգային հանրությունից սպասում ենք կոնկրետ քայլեր՝ հակամարտության արդարացի լուծման համար»,- գրել է Մամեդովը:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
