Էրեբունի եւ Նուբարաշեն վարչական շրջանների ընդհանուր իրավասության դատարանում այսօր «Արմենիա» հեռուստաընկերության լրագրող Ալբերտ Գալստյանի մասնագիտական գործունեությունը խոչընդոտելու գործով դատական նիստը հետաձգվեց ամբաստանյալներ Սեյրան Կարապետյանի, Վլադիմիր Մխիթարյանի, Դավիթ Սարգսյանի և Կարեն Գրիգորյանի պաշտպան՝ փաստաբան Վահե Ամիրջանյանի միջնորդությամբ. Նա ժամանակ խնդրեց դատարանից գործի նյութերին ծանոթանալու համար:
Հիշեցնենք, որ ամբաստանյալները պաշտպան ունենալու միջնորդությունը ներկայացրել էին անցած դատական նիստին:
Տուժած լրագրողն այս անգամ էլ դատարան չէր ներկայացել, դատարանում էին նրա ներկայացուցիչները:
Հիշեցնենք նաեւ, որ չորս ամբաստանյալներն, ըստ մեղադրանքի, հուլիսի 29-ին, ժամը 22-ից 23-ի սահմաններում, Գլինկայի փողոցում կատարել են բռնություն՝ գործադրելով զուգորդված խուլիգանություն և խոչընդոտել «Արմենիա» հեռուստաընկերության լրագրող Ալբերտ Գալստյանի մասնագիտական օրինական գործունեությանը:
Կարդացեք նաև
Դատական հաջորդ նիստը նշանակվեց հոկտեմբերի 26-ին:
Արփինե ՍԻՄՈՆՅԱՆ
