Ուկրաինայի օդանավակայաններում և ավիաընկերություններում պետք է հրաժարվել ռուսերենի կիրառումից, ինչպես նաև խորհրդային անվանումներից: Այս մասին հայտարարել է Ուկրաինայի ենթակառուցվածքների նախարար Վլադիմիր Օմելյանը:
Ինչպես գրում է gazeta.ru-ն՝ վկայակոչելով նախարարության պաշտոնական կայքը, Օմելյանն ընդգծել է, որ Ուկրաինայի օդանավակայաններում տեղադրվող ամբողջ տեղեկատվությունը պետք է լինի բացառապես ուկրաիներեն և անգլերեն լեզուներով:
«Ոչ մի ռուսերեն չպետք է լինի: Սա ոչ միայն պետական լեզվի կիրառման, այլև, առաջին հերթին, ինքնահարգանքի հարց է: Բացի այդ, օդանավակայանների աշխատակիցները ուղևորների հետ շփման ժամանակ պետք է կիրառեն կամ ուկրաիներեն, կամ անգլերեն»,- ասել է նախարարը:
Բացի այդ, նա նշել է, որ մինչև դեկտեմբերի 1-ը օդանավակայանները պետք է հրաժարվեն խորհրդային անվանումներից: Համապատասխան խնդրանքով դիմում ուղարկվել է երկրի բոլոր ավիաընկերություններին:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
