«Բոլոր գործարանները համաձայն են, իսկ Կոնյակի գործարանը դրա կարիքը չունի: Դա մեր պատմության ամենահարուստ բրենդն է: Նա ընդհանուր բրենդի կարիք չունի: Փոքր գործարաններն ամբողջությամբ են համաձայն, մեծ գործարանները՝ որոշակիորեն»,-«Տեսակետ» մամուլի ակումբում այսօր անդրադառնալով ՀՀ վարչապետ Կարեն Կարապետյանի հայտարարությանը, որ գուցե պայմանավորվեն Ռուսաստանի հետ՝ հայկական արտադրության խմիչքները մեկ բրենդի ներքո արտահանելու նպատակով, ասաց Գինեգործների միության նախագահ Ավագ Հարությունյանը:
Նրա դիտարկմամբ՝ մեկ բրենդի ներքո արտահանում նշանակում է էժան ապրանք, մինչդեռ Հայաստանի անելիքը էժան ապրանքի մեջ չէ. «Այդպես կլուծենք տնտեսական ցավոտ խնդիրներ, բայց առաջ չենք գնա: Տնտեսության զարգացման համակարգ չունենք՝ այդ թվում խաղողագործության եւ գինեգործության»:
Ըստ բանախոսի՝ հայկական խմիչքների իրացման խնդիր չկա, փոխարենը որակի խնդիրն է. «Մինչեւ 1500 դրամանոց՝ միջին որակի գինու իրացման խնդիր ունեք, մինչդեռ մեզանից ակնկալում են թանկ եւ ունիկալ գինիներ»:
Լուիզա ՍՈՒՔԻԱՍՅԱՆ
Կարդացեք նաև
