Երեկ հուզիչ տեսարանի ականատես եղանք բոլորս՝ վարչապետը փորձում էր նստել իր ծառայողական ավտոմեքենան, երբ կողքից մի տարեց կին նրան ձայն տվեց։ Կարեն Կարապետյանը ետ դարձավ, մոտեցավ կնոջը, ջերմորեն գրկեց նրան եւ մխիթարելով՝ ասաց․ «Շատ լավ»։ Ապա վերցրեց նամակը եւ նստեց մեքենան։
Այս միջադեպը լրատվականները երեկ դարձրին թոփ-թեմա, սոցցանցերում հուզիչ մեկնաբանություններ էին գրում, գովերգում նորանշանակ վարչապետին, արձանագրում նրա «մարդ տեսակը»։ Այո, մեր իշխանության բարձրաստիճան ներկայացուցիչներն այնքան են կտրվել ժողովրդից, որ մենք այժմ ունենք երկու իրար զուգահեռ գոյատեւող իրականություն՝ մենք եւ նրանք։
Այս իմաստով ողջունելի է նորանշանակ վարչապետի պահվածքը եւ ուղղված է տարբեր խավերի միջեւ առկա անդունդը կրճատելուն։ Բայց կա մի վտանգ, որը պետք է հաշվի առնեն վարչապետն ու նրա թիմը։ Փողոցում, կառավարության շենքի առաջ, տարբեր հանդիպումներում նրան մոտեցող անձինք դեռ հասարակություն չեն։ Կոնկրետ այս դեպքում նրան մոտեցած անձինք հոգեկան խնդիրներ ունեն, հաշվառման են կանգնած հոգեբուժարանում։ Վաղը նրան կարող են մոտենալ տարբեր հանցագործներ, խաբեբաներ։
Արմինե ՕՀԱՆՅԱՆ
Կարդացեք նաև
Հոդվածն ամբողջությամբ՝ «Հրապարակ» օրաթերթի այսօրվա համարում
Հիմա մի հարց` ով է հոգեկան հիվանդ` այս մարդիկ, թե հոգեկան հիվանդներին հասարակությունից զատող տուպոյ լրագրողիկը?