Այդ նպատակով ստեղծված աշխատանքային խմբին երեկ առաջինը հաշվետու եղավ Հայաստանի ծանրամարտի ֆեդերացիայի գլխավոր քարտուղար եւ տղամարդկանց հավաքականի գլխավոր մարզիչ Փաշիկ Ալավերդյանը: Նա ներկայացրեց Ռիոյի օլիմպիական խաղերի նախապատրաստական քառամյա փուլում կատարված աշխատանքները՝ ուսումնամարզական հավաքների կազմակերպման վայր եւ պայմանների արդյունավետություն, նպատակահարմարություն եւ այլ հարցեր:
Մասնագետը ընդգծեց, որ այժմվանից է սկսվում 2020 թվականին Տոկիոյի օլիմպիական խաղերին մարզիկների ներգրավման ռազմավարությունը: Փաշիկ Ալավերդյանի համոզմամբ, մարզիկի (ծանրորդի) նախապատրաստումը հերթական օլիմպիական խաղերին սկսվում է այն պահից, երբ նա ընթացիկ խաղերի մրցահարթակում ծանրաձողը վայր է դնում: Նա նշեց նաեւ մարզիկների հետ աշխատող սպորտային հոգեբանի կարեւորությունը, որն անհրաժեշտ է հատկապես վնասվածքներից հետո:
Հայաստանի ծանրամարտի հավաքականի մասնակցությունը ամառային 31-րդ օլիմպիական խաղերին գնահատվել է լավ:
Ա. Հ.
«Առավոտ»
Կարդացեք նաև
14.10.2016
