Հյուսիսային Օսիայում՝ Բեսլանի մոտ վթարի ենթարկված ավտոբուսը երթևեկի թույլտվություն չի ունեցել Ռուսաստանի տրանսպորտի նախարարությունից: Այս մասին գրում է ՏԱՍՍ-ը՝ վկայակոչելով «Փոխադրումների կազմակերպիչ» վարչության մամուլի ծառայությունը:
«ՌԴ տրանսպորտի նախարարության միջազգային ավտոբուսային մշտական երթևեկությունների ռեեստրում տեղեկություններ չկան երեկ Բեսլանի մոտ վթարի ենթարկված փոխադրողի մասին: Ավտոբուսը Մոսկվայից դուրս է եկել հոկտեմբերի 13-ին: Այդ երթևեկի մասին քաղաքային ավտոկայաններում տեղեկատվություն չկա»,- ասել են մամուլի ծառայությունից:
Նշվում է, որ միջազգային երթևեկում պաշտոնապես աշխատելու համար անհրաժեշտ է, որպեսզի փոխադրողը պայմանագիր կնքի ավտոկայանի հետ և ստանա ՌԴ տրանսպորտի նախարարության համաձայնությունը:
Ավելի վաղ տեղեկացրել էինք, որ ավտոբուսի սեփականատերը Յուրա Պողոսյանն էր, որը վթարի հետևանքով զոհվել է:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
