«Հայաստանի եւ Ռուսաստանի միջեւ ռազմատեխնիկական գործակցությունը զարգանում է: Կարծում եմ՝ պետք է գործակցության նոր ուղիներ մշակել»,- Սպառազինությունների և պաշտպանական տեխնոլոգիաների «ArmHiTec-2016» առաջին միջազգային ցուցահանդեսի ժամանակ լրագրողների հետ զրույցում ասաց ՀՀ-ում Ռուսաստանի Դաշնության արտակարգ եւ լիազոր դեսպան Իվան Վոլինկինը:
Անդրադառնալով ցուցահանդեսում ներկայացված զինատեսակներին՝ դեսպանը նկատեց, որ հայ արտադրողները շատ են, ինչը կարեւոր խթան է ՀՀ տնտեսության համար. «Ակնկալում եմ, որ ցուցահանդեսը կդառնա ամենամյա՝ Աստված տա»: Իվան Վոլինկինը վստահեցրեց, որ ՀՀ-ի եւ ՌԴ-ի միջեւ ռազմատեխնիկական գործակցության համաձայնագրեր առաջիկայում էլ կկնքվեն:
Դեսպանը նաեւ ասաց, որ չունի տեղեկատվություն այն մասին, թե Ռուսաստանը պատրաստվում է թևավոր հրթիռներ մատակարարել Ադրբեջանին. «Թևավոր հրթիռները մի բան են, «Իսկանդերը»՝ մեկ այլ…»: Նկատառմանը, թե ադրբեջանական կողմն է այդ մասին հայտարարել, Վոլինկինն արձագանքեց. «Ադրբեջանական կողմը գուցե ինչ-որ բան գիտի, մենք չգիտենք»:
Դեսպանը նաև նշեց, որ Լեռնային Ղարաբաղի հակամարտությունը կարող է կարգավորվել միայն ԵԱՀԿ Մինսկի խմբի միջնորդությամբ եւ այլ երկրներ իրավունք չունեն հարցին միջամտելու:
Կարդացեք նաև
Լուիզա ՍՈՒՔԻԱՍՅԱՆ
