Էրեբունի եւ Նուբարաշեն վարչական շրջանների ընդհանուր իրավասության դատարանում այսօր հետաձգվեց «օֆշորի գործով» դատական նիստը:
Հիշեցնենք, գործարար Փայլակ Հայրապետյանն այս գործով մեղադրում է նախկին վարչապետ Տիգրան Սարգսյանին, Արարատյան հայրապետական թեմի առաջնորդ Նավասարդ Կճոյանին եւ գործարար Աշոտ Սուքիասյանին`խաբեությամբ եւ կեղծարարությամբ իր ունեցվածքը խլելու մեջ:
Փայլակ Հայրապետյանի եւ մյուս տուժողների շահերի պաշտպանը վատառողջ է, ինչի մասին համապատասխան փաստաթղթեր ներկայացվեցին դատարանին: Դրանով պայմանավորված տուժողները կարիք գործում նոր փաստաբանների ներգրավման: Նրանց շահերն այսուհետ կներկայացնեն նաեւ փաստաբաններ Գոհար Գեւորգյանը, Աշոտ Գեւորգյանը եւ վերջինիս օգնական Կարեն Պողոսյանը:
Կարդացեք նաև
Այսօրվա նիստը հետաձգվեց, որպեսզի տուժողի ներկայացուցիչները հնարավորություն ունենան գործի 34 հատոր նյութերին ծանոթանալ:
Հաջորդ նիստը կկայանա նոյեմբերի 3-ին, ժամը 12.00-ին:
Նելլի ԳՐԻԳՈՐՅԱՆ
