«Չեմ կարծում՝ նորություն է Վիկտոր Դալլաքյանի պարագայում, առաջին անգամը չէ»,- հոկտեմբերի 11-ին «Հենարան» մամուլի ակումբում, անդրադառնալով Վիկտոր Դալլաքյանի՝ ՀՀԿ-ից դուրս գալու մասին հայտարարությանը, ասաց ԱԺ ՀՀԿ խմբակցության քարտուղար Գագիկ Մելիքյանը:
Նա նշեց, որ սա առաջին փորձը չէ եւ վստահություն հայտնեց, որ նման փորձեր էլի կլինեն. «Չեմ ընդունում այդ ձեւաչափը, այդ ոճը, այդպես հախուռն, բուռն քննադատելով հանրապետության նախագահին, հնչեցնելով տարբեր արտահայտություններ, փորձել դիվիդենտներ շահել: Այդ երեւույթը ժողովրդի կողմից անընդունելի է, եւ ճիշտ չէ այն արտահայտությունը, որ քաղաքական դաշտ մտնելու համար պարտադիր պայման պետք է լինի անբարոյականությունը: Այդ երեւույթը շատ տգեղ է»:
Գագիկ Մելիքյանը կարծում է, որ այդպիսով Վիկտոր Դալլաքյանը ցանկանում է պատգամավոր դառնալ, սակայն, ըստ նրա, դա ճիշտ ճանապարհ չէ պատգամավոր դառնալու համար. «Վերջում չմոռանամ ասել՝ եթե ինձ հետ ինչ-որ բան պատահի, Վիկտոր Դալլաքյանին չմեղադրեք»:
Կարդացեք նաև
Ամի ՉԻՉԱԿՅԱՆ
