Զարմանալի է նաեւ «Լուսավոր Հայաստանի» ներկայացուցիչների պահվածքը. նրանք չեն փորձելու հանդես գալ ՀՀԿ-ական Մամիկոն Ասլանյանին անվստահություն հայտնելու նախաձեռնությամբ։ Իսկ սա, ինքնին տարօրինակ է, եթե հաշվի առնենք այն հանգամանքը, որ ոչ իշխանական ուժերը Վանաձորի ավագանու կագմում պաշտոնապես գերակշիռ մեծամասնություն ունեն։
«Առաջիկայում երեք կարեւորագույն որոշումներ են կայացվելու ավագանու նիստում, մեկը հնգամյա զարգացման պլանի հաստատումն է, երկրորդը՝ բյուջեի հաստատումը, երրորդը քաղաքապետարանի հաստիքացուցակի եւ դրույքաչափերի որոշումն է։ Դրանք հնարավոր չէ անել 15 հոգով եւ ՀՀԿ-ն հարկադրված կլինի օգտվել այն 4 հոգու ծառայություններից, որոնք իր օգտին են քվեարկել։ Մենք էլ կիմանանք, թե ովքեր են այդ 4 հոգին»,- ասել է Քրիստ Մարուքյանը՝ արդարացնելու համար ՀՀԿ-ական քաղաքապետին անվստահություն հայտնելու նախաձեռնությամբ հանդես չգալը։
Նման փաստարկը, համաձայնվեք, թույլ է. եթե իրոք ոչ իշխանական ուժերն ունեն մեծամասնություն, եթե նրանք իրոք ՀՀԿ-ի հետ շաղկապված չեն (առավել եւս կեղծ տեղեկանքով պատգամավոր դարձած Մարուքյանի կուսակցությունը), ապա պետք է ավագանու նիստերը բոյկոտելուց բացի ՀՀԿ-ական քաղաքապետին պաշտոնանկ անեն։
Արման ԳԱԼՈՅԱՆ
Կարդացեք նաև
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
