Հայտնի ֆուտբոլիստին ու մարզչին շնորհավորելով ծննդյան 90-ամյակի առթիվ` ՀՀ ԱԺ նախագահ Գալուստ Սահակյանը շնորհավորական ուղերձում մասնավորապես նշել է.
«Այն ոչ միայն անձամբ Ձեր, այլեւ նախկին խորհրդային տարածքի եւ առանձնապես հայաստանցի ֆուտբոլասերների, ֆուտբոլիստների ու մարզիչների մի քանի սերունդների հոբելյանն է:
Հայկական ֆուտբոլի ամենահիշարժան ժամանակահատվածը, որն այսօր էլ բոլորս հիշում ենք հպարտությամբ եւ որն այսօր համարում ենք ցանկալի երազանք, կապված է հենց Ձեր անվան ու կենսագրության հետ: Ձեր գլխավորությամբ ավելի քան 40 տարի առաջ Երեւանի «Արարատը» նվաճել է այնպիսի բարձունք, որն առայսօր անգերազանցելի է մեր ֆուտբոլի համար, իսկ Դուք՝ որպես ֆուտբոլի լեգենդ, մնում եք հայկական ֆուտբոլի պատմության առանցքը` նշանակալի ավանդ եւ ծանրակշիռ ձեռքբերումներ արձանագրելով այդ մարզաձեւի զարգացման գործում»:
Ազգային ժողովի նախագահը հոբելյարին մաղթել է առողջություն, արեւշատություն եւ ամենայն բարիք:
Կարդացեք նաև
ՀՀ ԱԺ հասարակայնության եւ տեղեկատվության միջոցների հետ կապերի վարչություն
