ՀՀ վերաքննիչ քրեական դատարանում այսօր տեղի ունեցավ Ոստիկանության ՊՊԾ գունդը գրաված «Սասնա ծռեր» խմբի անդամ Արամ Մանուկյանի կալանքի երկարեցման դեմ բողոքի քննությունը: Արամ Մանուկյանի փաստաբան Հարություն Բաղդասարյանն Aravot.am-ին հայտնեց, որ դատարանը համապատասխան որոշումը կհրապարակի վաղը` ժամը 10:00-ին:
Հարություն Բաղդասարյանը տեղեկացրեց, որ Արամ Մանուկյանը չի ցանկացել ներկա լինել դատական նիստին. «Դատարանին չի հավատում` չի գալիս»,-ասաց մեր զրուցակիցը:
Ինչ վերաբերում է Արամ Մանուկյանի առողջական վիճակին, փաստաբանի խոսքով` նա ապաքինման փուլում է:
Լուիզա ՍՈՒՔԻԱՍՅԱՆ
հա տղաս, հա… դատարանին մի հավատա… ոչ մի բանի մի հավատա… դու հավատա միայն քո շատ խելոք, իմաստուն ու բանիմաց հայրիկին. տես արդեն թէ ոնց ան քեզ շիտակ եւ լուսաւոր ճանապարհով տարավ, քո ապագան որքան փայլուն դարձրեց… դու այլ բանի չհավատաս, երբեք…