Երեւանում «Աջակցենք սահմանամերձ բնակավայրերին» քաղաքացիական նախաձեռնությունը ստորագրահավաք է սկսվել Լենինգրադյան փողոցը «Ազատագրական Բանակ»-ի հրամանատար Լեոնիդ Ազգալդյանի անունով անվանակոչելու կապակցությամբ:
Նախաձեռնության անդամ Տիգրան Մարտիրոսյանը հոկտեմբերի 11-ին «Նոյյան տապան» մամուլի ակումբում լրագրողների հետ հանդիպման ընթացքում ասաց, որ նպատակ ունեն մինչեւ Լեոնիդ Ազգալդյանի ծննդյան օրը՝ նոյեմբերի 22-ը, 8000 ստորագրություն հավաքել: Այժմ քաղաքացիական նախաձեռնությունը հավաքել է մոտ 2000 ստորագրություն:
Տարածաշրջանային հարցերով փորձագետ-վերլուծաբան Սարգիս Հացպանյանը հավելեց, որ Երեւանում Լեոնիդ Ազգալդյանի անվան փողոց կամ պողոտա չունենալը բոլորի ամոթն է. «Ամոթը ավելի շատ Հանրապետական կուսակցությանն է, որովհետեւ Լեոնիդ Ազգալդյանը նախքան «Ազատագրական բանակի» հիմնադրումը եղել է Անկախության բանակի հրամանատար 1990-ից մինչեւ 1991 թվականի հունիս ամիս, երբ մենք արդեն հիմնադրեցինք Ազատագրական բանակը՝ Լեոնիդ Ազգալդյանի գլխավորությամբ:
Անկախության բանակը հենց այսօրվա քաղաքապետ հանդիսացող Տարոն Մարգարյանի հայրիկն էր՝ Անդրանիկը Մարգարյան, Աշոտն էր Նավասարդյանը: Հենց Հանրապետական կուսակցության ռազմական թեւն էր, մինչեւ կուսակցության ապառազմականացման որոշում կայացնելը: Ուզում եմ ասել՝ հենց Հանրապետականի իշխանության օրոք Լեոնիդն այսպես անտեսված է»:
Կարդացեք նաև
Ամի ՉԻՉԱԿՅԱՆ
Полностью согласен. Л.Азгалдян настоящий герой и великий сын армянского народа.