Ֆուտբոլի Հայաստանի ազգային հավաքականի եւ Մոսկվայի «Սպարտակի» նախկին հարձակվող Յուրա Մովսիսյանը MLS-ի առաջնության ակումբի հետ երկարամյա պայմանագիր է կնքել:
29-ամյա ֆուտբոլիստը այս տարվա սկզբից վարձավճարով հանդես է գալիս «Ռեալ Սոլթ Լեյքում», սական նրա տրանսֆերը պատկանում էր մոսկովյան ակումբին: Երբ «Սպարտակը» վերջերս հայտարարեց, թե իրենք այլեւս հետաքրքրված չեն Մովսիսյանի ծառայություններով, ֆուտբոլիստի ներկայիս թիմը ռուսաստանյան ակումբի հետ անմիջապես համաձայնության է եկել հայ ֆուտբոլիստի տրանսֆերը ձեռք բերելու հարցում, տեղեկացնում է «The Salt Lake Tribune»-ը:
Աշոտ ՀԱԿՈԲՅԱՆ
Լուսանկարը՝ bbc.co.uk-ի
