Նոյեմբերի 11-ից 30-ը Նյու-Յորքի «Fulton Market Building»-ում կկայանա շախմատի աշխարհի թագի համար գործող չեմպիոն, նորվեգացի Մագնուս Կարլսենի եւ հավակնորդ, ռուսաստանցի Սերգեյ Կարյակինի միջեւ մրցամարտը:
Կազմակերպիչներն արդեն սկսել են գրոսմայստերների պայքարին անմիջականորեն հետեւելու համար տոմսերի վաճառքը: Ամենաէժան տոմսի արժեքը $ 75 է: Մրցամարտի բոլոր պարտիաների համար աբոնեմենտն արժե $ 375: Կարելի է ամբողջ ընտանիքով (երկու մեծահասակ եւ երկու երեխա) մեկ օր հետեւել մրցամարտին, ինչի համար հարկ է վճարել $ 150: Կա նաեւ VIP տոմս՝ $ 600-ով: Ընտանեկան փաթեթը՝ $ 900 է, իսկ բոլոր օրերի համար VIP աբոնեմենտի գինը $ 3000 է:
Աշոտ ՀԱԿՈԲՅԱՆ
Լուսանկարը՝ chesshive.com-ի
