«Պուտին-Էրդողան հարաբերությունների հիմնական նպատակներից է` Թուրքիայի դերի նվազեցումը տարածաշրջանում»,-կարծում է «Նորավանք» գիտակրթական հիմնադրամի տնօրեն Գագիկ Հարությունյանը: «Ռուսները սա համարում են իրենց տարածաշրջանը: Չեմ կարծում, որ ռուս-թուրքական հարաբերությունները կբերեն Արցախի հարցում թուրքական գործոնի ակտիվացմանը»,-«Փաստարկ» մամուլի ակումբում այսօր ասաց նա:
Փորձագետի դիտարկմամբ` երեկ կայացած Պուտին-Էրդողան հանդիպմանը կողմերը գուցե անդրադարձել են արցախյան հակամարտությանը. «Ռուսաստանի ազդեցությունը զսպաշապիկ է Թուրքիայի համար: Ամենից քիչ լարվածություն եւ պատերազմ Ռուսաստանին է պետք, որը խիստ ներքաշված է Ուկրաինայի խնդրում եւ Սիրիայում»:
Ըստ բանախոսի` Մոսկվան եւս դասեր քաղել է ապրիլյան քառօրյա ռազմական գործողություններից, ինչի ապացույցը ՀՀ-ին տրամադրված «Իսկանդերներ»-ն են:
Կարդացեք նաև
Լուիզա ՍՈՒՔԻԱՍՅԱՆ
