Ռուսաստանը և Թուրքիան ստորագրել են միջկառավարական համաձայնագիր «Թուրքական հոսք» գազատարի շինարարության վերաբերյալ: Այս մասին հաղորդում է «ՌԻԱ Նովոստի»-ն:
Փաստաթղթի տակ ստորագրել են Ռուսաստանի էներգետիկայի նախարար Ալեքսանդր Նովակը և Թուրքիայի Էներգետիկայի և բնական ռեսուրսների նախարար Բերաթ Ալբայրաքը: Ստորագրման գործընթացին ներկա են գտնվել նաև երկու երկրների նախագահներ Վլադիմիր Պուտինը և Ռեջեբ Թայիփ Էրդողանը:
Ռուսաստանի նախագահ Վլադիմիր Պուտինը հայտարարել է, որ քննարկումների արդյունքում Մոսկվան և Անկարան համաձայնության են եկել նաև Թուրքիայի տրամադրվող գազի գնի նվազման վերաբերյալ: Էրդողանը, իր հերթին, նշել է, որ գազատարի շինարարությունը կարագացվի:
«Թուրքական հոսք» գազատարը Սև ծովի հատակով Ռուսաստանից գազ կմատակարարի Թուրքիային և Եվրոպային: Նախատեսվում է, որ այն կունենա 63 մլրդ խոր. մետր հզորություն, որից 14 մլրդ խոր. մետրը նախատեսված է Թուրքիայի համար:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
