«Հրապարակի» հարցերին պատասխանում է Տարածաշրջանային հետազոտությունների կենտրոնի ղեկավար Ռիչարդ Կիրակոսյանը
– Հայաստանում նոր կառավարության ձեւավորումից հետո ձախողումների համար մի շարք նախարարներ հեռացվեցին պաշտոններից, մինչդեռ արտգործնախարար Էդվարդ Նալբանդյանը վերանշանակվեց։ Ըստ Ձեզ՝ ինչո՞վ էր պայմանավորված այդ վերանշանակումը։
– Հավանաբար, դա տեղի ունեցավ հաշվարկի արդյունքում։ Վիգեն Սարգսյանին նշանակեցին պաշտպանության նախարար, եւ այդ ամենը շատ լավ
հաշվարկված էր. դա արեւմտյան մոդել է։ Ավելի խնդրահարույց էր, թե ով պետք է փոխարինի Էդվարդ Նալբանդյանին, քան այն, թե արդյոք նա կմնա՞ նույն տեղում, թե՞ ոչ։ Այսինքն՝ նոր կառավարության համար արտաքին գործերի նախարարի պաշտոնի համար չկային շատ հավակնորդներ, փոխարինողները շատ քիչ են։ Եթե Դուք նայեք նոր կառավարության կազմին, ապա կտեսնեք, թե որքան դժվար է ընտրություն կատարելը, քանի որ նրանք բոլորն անփորձ մարդիկ են։
Կարդացեք նաև
– Իսկ նոր կառավարության կազմը չի՞ հուշում, որ տեղի է ունենում քաղաքական էլիտայի փոփոխություն, հին էլիտան հեռանում է։
– Կառավարության կազմի փոփոխությունից նկատելի են դրական քայլեր, բայց այդ փոփոխությունները չեն ներշնչում վստահություն, որովհետեւ նոր նախարարները չունեն քաղաքական փորձ եւ ուժ։ Եվ Հայաստանում առկա խնդիրները համակարգային են, ոչ թե կապված են նախարարների դեմքերի հետ։ Մեր կառավարության խնդիրը վստահության պակասն է։ Կառավարության եւ նոր վարչապետի խնդիրը պետք է լինի վերանվաճել հասարակության վստահությունը։ Եվ նոր վարչապետը, ինչպես նախկին վարչապետներից Տիգրան Սարգսյանը, ասում է ճիշտ բաներ, սակայն խնդիրն այն Է՝ արդյոք նա կիրագործի՞ դրանք, թե՞ ոչ։
Թագուհի ՀԱԿՈԲՅԱՆ
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
