«Ատամ կխփի եւս մի անգամ, որտեղից թույլ լինի, այնտեղից կմտնի, տակտիկան չի փոխվում, ռազմավարությունը չի փոխվում: Թե ինչպես զարգացումները կընթանան ու դեպի ուր կտանեն կամ ռուսական դիրքորոշումն ինչպիսին կլինի, մի բան ակնհայտ է՝ ՌԴ-Ամերիկա նոր շոուի բախմանը, ՌԴ-ն կփորձի ոտնատակ տալ մեզ, որ դիրքորշումը փոխվի, որ Հայաստանում բոլորը ծնկի աղոթեն, որ ռուս պապան է ու վերջ:
Բայց հաշվի առնելով մեր ազգային գոյը, որը ուզում են ոչնչացնել ինչպես ապրիլյան պատերազմի ժամանակ, երբ դատարկ լապատկեքով կարողացանք հակառակորդի դեմն առնել, այս անգամ էլ պատվով դուրս կգանք, ու մեր եռագույնը հաստատ կծածանենք Բաքվում, եւ Մոսկվան բանակցության կգա իր համախոհ ուժերով՝ կապիտուլացիոն ակտ ստիպելով Ադրբեջանին»,- նման կարծիքի է Կոռնիձոր ջոկատի հրամանատար Արայիկ Խուդավերդյան:
Ինչու հենց դեկտեմբեր-նոյեմբերին սրացումները կգրանցվեն հարցին, պարոն Խուդավերդյանը պատասխանեց. « Ադրբեջանի ոհմակային մոտեցումը՝ հարմար պահին ձգան սեղմելն է, իսկ իրենց համար հիմա հարմար պահ է, որովհետեւ Ամերիկա-ՌԴ հարաբերությունները խառնվեցին, եւ շակալ պետությունները, որոնք զենքի բիզնեսային առեւտուրն են անում՝ հզորացնելով Ադրբեջանին, պարտավոր են տեսնել արդյոք արդյունավետ են այդ զենքերը»:
Արփինե ՍԻՄՈՆՅԱՆ
Կարդացեք նաև
