Հոկտեմբերի 2-ին ՀՀ մի շարք մարզերում կայացած ՏԻՄ ընտրություններն «ապտակ» են` ուղղված վարչապետ Կարեն Կարապետյանին: Այս մասին այսօր «Նոյյան Տապան»-ում լրագրողների հետ հանդիպմանն ասաց ՏԻՄ ընտրություններում Գառնու համայնքապետի պաշտոնում ինքնաառաջադրված թեկնածու Արուսյակ Այվազյանի վստահված անձը` տարածաշրջանային հարցերով փորձագետ-վերլուծաբան Սարգիս Հացպանյանը:
«Գյումրիի, Վանաձորի, Գառնիի խայտառակ ընտրություններն անէացրին Կարեն Կարապետյանի նշանակման հետ կապված փոփոխությունների ակնկալիքը: Կարեն Կարապետյանի փոխարեն լինեի` այդ ընտրություններն անվավեր կճանաչեի: Սակայն նա այստեղ է ուղարկվել վերջին դեպքերի լարվածությունը թոթափելու համար, ուստի նա այդ քայլին չի գնա»,-ասաց Սարգիս Հացպանյանը:
Նրա հավաստմամբ` Գառնիում ընտրությունների օրը գրանցվել են ընտրակաշառք բաժանելու դեպքեր: Իր հերթին Գառնու համայնքապետի պաշտոնում ինքնաառաջադրված Արուսյակ Այվազյանը նշեց, որ գառնեցիները քվեարկել են այն թեկնածուների օգտին, որոնք ընտրողներին նախապես ուղղորդել են, թե ում օգտին քվեարկել: Այնուամենայնիվ, Արուսյակ Այվազյանի փոխանցմամբ` Գառնիի գյուղապետի պաշտոնում առաջադրված ՀՀԿ-ական Ահարոն Սահակյանն իրեն վստահեցրել է, որ հաղթելու դեպքում կյանքի է կոչելու Այվազյանի նախընտրական ծրագրերը:
Կարդացեք նաև
Լուիզա ՍՈՒՔԻԱՍՅԱՆ
Լուսանկարը` «Նոյյան տապան»-ի
