Հերացու 2 հասցեում «Հավաքական անվտանգության պայմանագրի կազմակերպության ակադեմիա» (ՀԱՊԿ) հիմնադրամը կառուցապատման աշխատանքներ է իրականացնում: Հիմնադրամի կողմից վեր խոյացող շենքը լուսավորության տեսանկյունից լուրջ խոչընդոտ է հանդիսանում Այգեստան փողոցի բնակիչների համար: Քաղաքացիները դիմել են Երեւանի քաղաքապետ Տարոն Մարգարյանին՝ խնդրելով դադարեցնել կամ կասեցնել ՀԱՊԿ հիմնադրամի կողմից իրականացվող շինարարությունը: Քաղաքապետը պատասխանել է՝ ՀԱՊԿ հիմնադրամի շինարարությունն օրինական է եւ համապատասխանում է սահմանված նորմերին:
Չհաշտվելով քաղաքապետի հիմնավորման հետ՝ բնակիչները Երեւանի քաղաքապետարանին դատի են տվել:
Ըստ օրենքի՝ ՀԱՊԿ հիմնադրամը պարտավոր է դադարեցնել շինարարությունը, մինչեւ դատարանը որոշում կկայացնի: Այդ մասին ՀԱՊԿ ակադեմիային գրավոր զգուշացրել են Երեւանի քաղաքապետարանից, սակայն ակադեմիայի հիմնադրամն արհամարհել է զգուշացումն ու օրենքը եւ լայն թափով շինարարություն է կատարում:
Մանրամասները՝
Լուսանկարը` ԼՈՒՍԻՆԵ ԲՈՒԴԱՂՅԱՆԻ
«Առավոտ»
Կարդացեք նաև
06.10.2016
