Այսօր կառավարությունը Հասարակական կազմակերպությունների մասին օրենքի նախագծերի փաթեթ է ներկայացրել ԱԺ-ի քննարկմանը:
Արդարադատության նախարար Արփինե Հովհաննիսյանն ասաց, որ ՀԿ-ների մասին ՀՀ օրենքում մի շարք դրույթներ են փոխվել. «Գործող կարգով ՀԿ-ն շահույթ ստանալու նպատակ չհետապնդող ոչ առեւտրային կազմակերպությունների միավորման տեսակ է, այսօր առաջարկվում է, որ ինչպես ֆիզիկական, այնպես էլ իրավաբանական անձինք կարող են լինել ՀԿ անդամ: ՀԿ-ներին հնարավորություն է ընձեռվել զբաղվել ձեռնարկատիրական գործունեությամբ: Կազմակերպությունը կարող է ձեռնարկատիրական գործունեություն իրականացնել՝ միայն առեւտրային կազմակերպություններ ստեղծելու ուղիով: Ինքը կարող է տնօրինել իր գույքը: Արգելք կա, թե ովքեր կարող են լինել ՀԿ-ի հիմնադիր»:
Այս օրենքի քննարկման ժամանակ ՀԿ-ները դժգոհում էին հատկապես աուդիտի հետ կապված դրույթից: Նախարարն ասաց, որ եթե կազմակերպության գույքի ստացման աղբյուր են հանրային միջոցները, ապա ՀԿ-ն պարտավոր է յուրաքանչյուր տարի մինչեւ հաշվետու տարվա մայիսի 30-ը հրապարակել իր հաշվետվությունը: Չհրապարակելու համար վարչական պատասխանատվության կենթարկվեն, սկզբում՝ նախազգուշացում, հետո՝ ծանր պատասխանատվություն:
Տարանջատում է մտցվելու՝ ՀԿ-ն հանրայի՞ն միջոցներից է սնվում, թե՞ մասնավոր ֆինանսավորում ունի:
Կարդացեք նաև
ՀԿ-ներին այս նախագծով նաեւ իրավունք է վերապահված շահառուների համար դատարան դիմելու:
Հռիփսիմե ՋԵԲԵՋՅԱՆ
