«Ռուսաստանի կողմից կողմնորոշման կտրուկ փոփոխություն չի կարող լինել սկզբունքորեն` Հայաստանից անցում դեպի Ադրբեջանի օգտին: Ռուսաստանն ունի իր շահերը Ադրբեջանի ու Հայաստանի հետ: Մոսկվան չի գործի կտրուկ քայլեր»,- «Առավոտ»-ի հետ զրույցում նշեց Ռուսաստանի պետական հումանիտար գիտությունների համալսարանի արտաքին քաղաքականության բաժնի ղեկավար, դոցենտ, ռուսաստանցի քաղաքագետ Սերգեյ Մարկեդոնովը` հավելելով.
Ռուսաստանցի քաղաքագետ Սերգեյ Մարկեդոնովը:
«Խոսակցությունները, թե Մոսկվան կբարեկամանա Ադրբեջանի հետ ու Հայաստանին կթողնի` բացարձակապես հիմնավոր չեն, որովհետեւ Մոսկվան չի ապրում աբստրակտ աշխարհում, գոյություն ունեն հստակ շահեր, հետաքրքրություններ, թե ինչ շահ կունենա որեւէ վերակողմնորոշման դեպքում, ես դա չեմ տեսնում: Կարծում եմ, որ Կրեմլում էլ այնքան հիմար չեն, որ տեսնեն ինչ-որ շահեր հնարավոր նման փոփոխություններում:
Կլինեն հարաբերություններ Հայաստանի հետ, Ադրբեջանի հետ, յուրաքանչյուրի հետ՝ տարբեր, յուրաքանչյուրի հետ` առանձնահատուկ փոխհարաբերություններով»:
Թեմայի մանրամասները
«Առավոտ», 05.10.2016
