Եվրամիության խորհուրդը հավանություն է տվել Վրաստանի համար վիզային ռեժիմի ազատականացմանը: Այս մասին հաղորդում է Lenta.ru-ն:
Մշտական ներկայացուցիչների կոմիտեի նախագահ Փիթեր Յավորչիկը հայտարարել է, որ իրենք այս հարցում ակնկալում են Եվրախորհրդարանի աջակցությունը, որը պետք է հաստատի որոշումը:
Միաժամանակ հաղորդվում է, որ ԵՄ-ի և Վրաստանի միջև առանց վիզայի ռեժիմն ուժի մեջ կմտնի նոր մեխանիզմի մշակումից և հաստատվելուց հետո միայն:
Առանց վիզայի ռեժիմի նոր գործիքը տարեսկզբից մշակվում է Գերմանիայի առաջարկով: Բեռլինը մտավախություն ունի, որ Ուկրաինայի, Վրաստանի և Կոսովոյի քաղաքացիները վիզայի ազատականացման դեպքում կարող են «չարաշահել ապաստան տրամադրելու իրավունքը» և դառնալ հանցավորության աճի աղբյուր: Գերմանիայի այդ դիրքորոշումը պաշտպանել է նաև պաշտոնական Փարիզը:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
