Ուրիխանյան-Սաֆարյան հակամարտությունը բավականին երկար պատմություն ունի։ Ամեն ինչ սկսվել է նրանից, որ Սաֆարյանի դեմ էլեկտրոնային լրատվամիջոցներում նյութեր են հրապարակել, որոնք, քաղաքագետի գնահատմամբ, կրել են զրպարտչական բնույթ։ Թեեւ հրապարակվող նյութերի հեղինակի անունը երբեւէ չի հրապարակվել, սակայն քաղաքագետը համոզված է եղել, որ պատվիրատուն այն ժամանակ դեռ ԲՀԿ անդամ Տիգրան Ուրիխանյանն է. բանն այն է, որ այդ նյութերը համընկել են ԲՀԿ-ի դեմ Սաֆարյանի մեկնաբանությունների օրերի հետ։
Սաֆարյանի ներկայացմամբ՝ այդ ամենին հաջորդել է ֆեյսբուքում կեղծ օգտատերերի միջոցով իր հասցեին անձնական վիրավորանքների, սեռական հայհոյանքների, կոլաժների տարածումը։ Բանը հասել է նրան, որ Սաֆարյանի անունով կեղծ էջ է ստեղծվել, նրա նկարները ֆոտոշոփի միջոցով աղավաղվել են եւ սպառնանքների հետ միասին տեղադրվել այդ էջում:
Ապա նաեւ «Xnews.am» կայքում հոդված է տպագրվել, որով Սաֆարյանին փոխանցվել է, որ նրան 8 օր ժամանակ է տրվում, որից հետո գումարների յուրացման մասին տվյալներ կներկայացնեն։ Կայքը գրանցված է Ուրիխանյանի օգնականներից մեկի անունով։
Ս. Պ.
Կարդացեք նաև
Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում
