Փարիզի հյուրանոցներից մեկում հոկտեմբերի 3-ի գիշերը երկու տղամարդ զենքով և դիմակներով ներխուժել են հեռուստաաստղ Քիմ Քարդաշյանի սենյակ: Այս մասին հաղորդում է CNN-ը:
«Երկու զինված տղամարդ դիմակներով և ոստիկանական հագուստով զենքով սպառնացել են Քիմ Քարդաշյան Ուեսթին փարիզյան հյուրանոցի իր համարում: Նա սաստիկ վախեցած է, բայց ֆիզիկապես անվնաս է»,- ասել է նրա ներկայացուցիչը:
Ըստ Reuters-ի՝ Քիմ Քարդաշյանից գողացել են թանկարժեք իրեր և մի քանի միլիոն դոլար: Հարձակվողների թիվը եղել է 5-ը, հստակեցնում է գործակալությունը:
Այդ ընթացքում Քարդաշյանի ամուսինը՝ Քանյե Ուեսթը, մասնակցելիս է եղել Նյու Յորքի Meadows փառատոնում: Նա ընդհատել է համերգը և արագ լքել բեմը՝ դա բացատրելով անհետաձգելի ընտանեկան պարտավորություններով:
Կարդացեք նաև
Այլ մանրամասներ կատարվածի մասին չի հաղորդվում, մասնավորապես, արդյոք հյուրանոցի համարում այդ ժամանակ Քարդաշյանը միայնակ է եղել, թե՝ երեխաների հետ:
Քիմ Քարդաշյանը Փարիզ էր ժամանել Նորաձևության շաբաթին մասնակցելու:
Պատրաստեց՝ Վիկտորյա ԱՆԴՐԵԱՍՅԱՆԸ
