Հենց նոր ավարտվեց Գյումրու թիվ 34/01 ընտրատեղամասում կատարված հաշվարկը․ այստեղ ուժեղ մրցապայքար էր «Բալասանյան» դաշինքի ու ԲՀԿ-ի միջև, հասկանալի է, որ գյումրեցիների համար համամասնական ընտրակարգ հասկացություն դեռևս գոյություն չունի, այստեղ պայքար է կուսակցությունների ցուցակների առաջին համարները գլխավորող անձանց միջև։
ԲՀԿ ցուցակը գլխավորող Վարդևան Գրիգորյանը իրոք շատ լուրջ մրցակից է Սամվել Բալասանյանին։ Այսպես` ԲՀԿ-ին տվել էին 160 ձայն, «Բալասանյան» դաշինքին՝ 199, ընդ որում այս դաշինքի ձայները ավելացան հաշվարկի ամենավերջում։
Այս ընտրատեղամասում բավական ձայներ հավաքել էր «Հայկական վերածնունդը», նախկին ՕԵԿ-ը՝ 101 ձայն, ԳԱԼԱ-ն՝ 78 ձայն, «Գյումրեցու ոգին»՝ 61, Դաշնակցությունը՝ 31 ձայն, Վարդան Օսկանյանի կուսակցությունը ՝«Համախմբումը» 50 ձայն, Հայ Ազգային կոնգրեսը՝ 48 ձայն, ամենաքիչ ձայները հավաքել եին «Ալյանսը» և «Քաղաքացիական պայմանագիրը», երկու կուսակցությունների ձայներն էլ 8-ն են։ «Գործարար» կուսակցությունը հավաքել էր 9 ձայն։
Կարդացեք նաև
Նշենք, որ այս ընտրատեղամասում մեծ թիվ էին կազմում անվավեր քվերաթերթիկները, դրանք 31-ն էին։ Մարդիկ տարբեր գրառումներ էին կատարել, օրինակ՝ ԲՀԿ-ի դիմաց և քվեարկել էին, և գրել էին այո։ Քիչ հետ պարզ կդառնա ընտրապատկերը։
Նունե ԱՐԵՎՇԱՏՅԱՆ
