«Առավոտը» ստամբուլահայ լրագրող, Թուրքիայի Մարդկային իրավունքների միության անդամ Հրանտ Գասպարյանից հետաքրքրվեցինք՝ Թուրքիայում կարծրատիպեր փշրվե՞լ են, մտածողություն փոխվե՞լ է: Մեր զրուցակիցը հայտնեց, որ հատկապես «Ակոսի» խմբագրապետ Հրանտ Դինքի սպանությունից հետո մարդիկ կարողացան ավելի ազատ արտահայտել իրենց մտքերը, փողոցային ցույցեր անել Ստամբուլի կենտրոնական հրապարակներում, նաեւ Իզմիր եւ Անկարա քաղաքներում:
Հարցին՝ արդյոք կա՞ն առաջադեմ համալսարանական շրջանակներ, որոնք պատրաստ են առերեսվել անցյալի հետ, Հրանտ Գասպարյանը պատասխանեց, որ 5-6 տարի առաջ տիրող ազատ մթնոլորտը տեղի է տալիս, ու համալսարանների ուսանողության ազատության մասին արդեն խոսել հնարավոր չէ, քանի որ այսօր ձերբակալված ակադեմիկոսներ կան Թուրքիայում, սեղմվել է տարբեր կազմակերպությունների եւ լրատվամիջոցների ազատության շրջանակը, ամեն ինչ հսկողության տակ է:
Մեր հարցին՝ ինչպե՞ս է վերաբերվում Ստամբուլում լրագրողներին նվիրված թանգարանի գոյությանը, հայազգի լրագրողը պատասխանեց, թե դժվար այնտեղ փաստված լինի, որ Օսմանյան կայսրության շրջանի առաջին թերթը հրատարակել են հայերը, բայց 2010-ից հետո Հրանտ Դինքի լուսանկարը տեղադրել են այդ թանգարանում՝ այլ զոհված լրագրողների նկարների կողքին: Պոլսո Հայոց պատրիարքի փոխանորդ Արամ արքեպիսկոպոս Աթեշյանի՝ Թուրքիայի նախագահին ուղված տխրահռչակ նամակի վերաբերյալ պոլսահայոց ընդվզման մասին տպագիր «Առավոտի» սեպտեմբերի 30-ի համարում:
Գոհար ՀԱԿՈԲՅԱՆ
Կարդացեք նաև
