«Հիմքեր, եթե ունենային, կպահեին»,- Aravot.am-ի հետ զրույցում ասաց Մհեր Մազմանյանը:
Հիշեցնենք՝ սեպտեմբերի 28-ին դատախազի որոշմամբ «Սասնա ծռեր» խմբավորման հանցագործության կատարմանն օժանդակելու համար մեղադրվող Սուրիկ Պետրոսյանի և Մհեր Մազմանյանի նկատմամբ ընտրված խափանման միջոց կալանավորումը փոփոխվել է, և նրանց նկատմամբ որպես խափանման միջոց է ընտրվել չհեռանալու մասին ստորագրությունը՝ նկատի ունենալով, որ վերացել է նրանց կալանքի տակ պահելու անհրաժեշտությունը:
Մհեր Մազմանյանի խոսքերով՝ դա իրավապահ մարմինների գործելաոճն է. «Հեռախոսազանգը չէր կարող իրենց համար հիմնավորում լինել, որովհետեւ 3 տարի ես նույն ձեւ, նույն ոճով այդ նույն զանգերն անում եմ, նույն խնդիրները բարձրաձայնում ենք, քննարկում ենք հեռախոսով: Իրենց տված որակավորումն ինձ համար անհասկանալի էր»:
Անդրադառնալով դատախազության որոշմանը՝ Մհեր Մազմանյանն ասաց, որ այս պահին դեռ չի կարող գնահատական տալ: Նա հավելեց, որ շուտով, երբ կվերլուծի իրավիճակը հանդես կգա մամուլի ասուլիսով:
Կարդացեք նաև
Ամի ՉԻՉԱԿՅԱՆ
