Ինչպես արդեն տեղեկացրել ենք, «Թրանսփարենսի ինթերնեշնլ հակակոռուպցիոն կենտրոն» հասարակական կազմակերպությունը սեպտեմբերի 27-ին ներկայացրեց ՀՀ հանրային մարմինների և կազմակերպությունների կողմից իրականացված գնումների մոնիտորինգի արդյունքները:
Ներկայացմանը մասնակցում էր նաեւ ֆինանսների նախարարության գնումների մեթոդաբանության բաժնի պետ Վահե Մահտեսյանը: Նա ասաց, որ չի ուզում բանավեճի մեջ մտնել: Ըստ նրա, փաստարկները կներկայացվեն հաշվետվությանը մանրամասն ծանոթանալուց հետո:
«Բողոքների խորհուրդը, երբ որ որոշում է, որոշումը պարտադիր է դառնում կատարման համար: Բողոքը լինում է ժամկետում, երբ դեռ պայմանագիրը կնքված չէ: Եթե խորհուրդը բավարարում է բողոքատուի բողոքը, ուրեմն՝ վերականգնվում են այդ գործընթացում մասնակցի իրավունքները»,- ասաց նա:
Անդրադառնալով «Բարվա» ընկերությանը, որը տնտեսագետ Արտակ Մանուկյանի խոսքերով հաղթում է բոլոր մրցույթներում, չնայած որ գնում է հակակարկտային կայաններ եւ ավելի թանկ գնով վաճառում, Վահե Մահտեսյանն ասաց, որ ընկերությունը ոչ բոլոր մրցույթներում է հաղթում. «Բարվան» շատ բողոքներ ունի, որոնք մերժված են: Բնավ չլինի այնպիսի տպավորություն, որ ես պաշտպանում եմ այս կազմակերպությանը, ամենեւին չեմ ճանաչում: Ուղղակի «Բարվայի» ներկայացրած շատ բողոքներ կան, որոնք մերժված են: Ինչ վերաբերվում է կոնկրետ իր համար տեխնիկական բնութագրերին, եթե ձեր հաշվետվության մեջ մանրամասն կա՝ ինչն է, եթե նման խնդիր կա, պետք է դրան լուծում տրվի»:
Կարդացեք նաև
Ամի ՉԻՉԱԿՅԱՆ
