Aravot.am-ին Արագածոտնի մարզային քննչական վարչությունից տեղեկացրին, որ դատախազությունը «Ահազանգ. Ընտրախախտումներ Արուճում: Գյուղապետը հերքում է» հրապարակումը ուղարկել է քննչական վարչություն: Դեպքի հետ կապված նյութեր են պատրաստվում:
Հիշեցնենք՝ Aravot.am-ը ահազանգ էր ստացել որ Արագածոտնի մարզի Արուճ գյուղում սեպտեմբերի 18-ին ՏԻՄ ընտրությունների ընթացքում խախտումներ են եղել: Մեր աղբյուրի պնդմամբ՝ նախկին գյուղապետ Բագրատ Մարտիրոսյանը գյուղի բնակիչներին 10000-ական դրամ է բաժանել, որոշ ընտանիքների 5 պարկ ալյուր է բաժանել: Իսկ ընտրությունների օրը՝ կեսօրին, բացի նախապես 10 հազար դրամից եւս որոշ գումար է բաժանվել, նաեւ քվեաթերթիկներ են ընտրատարածքից դուրս հանել: Ընտրությունների արդյունքում հաղթել է նախկին գյուղապետը: Սակայն, գյուղապետ Բագրատ Մարտիրոսյանը հերքել էր այդ տեղեկատվությունը:
Ամի ՉԻՉԱԿՅԱՆ
