Դոշաբը բուժում է ստամոքսի խոցը, երիկամների ու միզափամփուշտի հիվանդությունները
Խաղողի բաղադրիչները գերազանց հակաբորբոքային հատկություն ունեն:
Խաղողի հյութը պարունակում է շաքարներ, գինեթթու, խնձորաթթու, ազոտային նյութեր, K-ի Ca-ի Fe-ի աղեր, դաբաղանյութեր, ներկանյութեր, բազմաթիվ վիտամիններ:
Խաղողի բուժական հատկությունների մասին հայտնի էր դեռեւս Բաբելոնում 5000 տարի առաջ:
Կարդացեք նաև
Խաղողի հյութն ունի տոնուսավորող՝ հատկապես սրտամկանի, հակամիկրոբային, միզամուղ, քրտնամուղ, խորխաբեր, կազդուրիչ, զարկերակային ճնշումը իջեցնող հատկություններ:
Այն օգտագործվում է նաեւ հիմնաթթվային հավասարակշռության կարգավորման, ստամոքսահյութի բաղադրության բարելավման, երիկամներում քարերի գոյացումը կանխելու, արյան շրջանառությունը լավացնելու, նյարդային համակարգի աշխատանքը կարգավորելու նպատակով:
Այն նաեւ իջեցնում է արյան մեջ խոլեստերինի մակարդակը, հարստացնում է կերակրող մայրերի կաթի բաղադրությունը, խթանում ներզատիչ գեղձերի գործունեությունը:
Սեւ խաղողի հյութը օգտակար է շնչառական հիվանդությունների դեպքում:
Չհասունացած խաղողի հյութը ջերմիջեցնող, խոցերը բուժող հատկություն ունի:
Խաղողի հյութով բուժման կուրսը 1-1,5 ամիս է, սկսում են օրը 1/2 բաժակից եւ չափաբաժինը մեծացնում օրական եւս 1 բաժակով՝ հասցնելով 6 բաժակի:
Օրական նորման պետք է բաժանել 3 մասի եւ խմել ուտելուց 1-1,5 ժամ առաջ:
Եթե բուժման ընթացքում առաջացնում է փորլուծություն, ապա օրվա չափաբաժինը չի ավելացվում կամ 1-2 օր ընդմիջում է տրվում:
Որպեսզի շաքարներն ու օրգանական թթուները չվնասեն ատամներին, հյութը խմելուց հետո կարելի է բերանը ողողել գոլ ջրով:
Հայերի մեջ մեծ տարածում գտած խաղողի դոշաբը շատ է օգնում հյուծված ու թույլ հիվանդներին:
Ամասիացին գտնում է, որ սպիտակ քաղցր խաղողը բուժում է շնչառական հիվանդություններն ու սեռական անկարողությունը, իսկ դոշաբը՝ ստամոքսի խոցը, երիկամների ու միզափամփուշտի հիվանդությունները: Գարնանը կտրած ճյուղից հոսող հյութը գինու հետ լուծում է քարերը, իսկ մաշկին քսելիս բուժում է էկզեման: Այդ հյութը ձիթապտղի յուղի հետ նպաստում է մազերի աճին: Չհասունացած խաղողի հյութը աչքերի մեջ կաթեցնելիս կօգնի կոպերի բորբոքման բուժմանը: Այդ հյութով մարմինը օծելը եւս շատ օգտակար է:
Հակացուցված է ստամոքսի ու 12-մատնյա աղիի սուր խոցային պրոցեսի, ստամոքսի քաղցկեղային հիվանդության, շաքարախտի, հղիության 2-րդ շրջանի դեպքում:
Պատրաստեց ԱՆՈՒՇ ՄԱԹԵՎՈՍՅԱՆԸ
«Առավոտ» օրաթերթ
24.09.2016
