Վերջին տարիներին, հատկապես «Ակոսի» խմբագրապետ եւ հասարակական գործիչ 2007-ի հունվարի 19-ին թուրք ազգայնականների կողմից սպանված Հրանտ Դինքի մահվանից հետո ավելի համարձակ ցույցեր են տեղի ունենում Թուրքիայում ու ավելի շատ են բարձրաձայնում Հայոց ցեղասպանության մասին:
Մասնավորապես 2008 -2009 թվականից սկսած՝ ամեն տարի ապրիլի 24-ին Թուրքիայում ապրող որդեկորույս մայրերը 1915 թվականին ձերբակալված հայ մտավորականների լուսանկարներով ցույցեր են անում Ստամբուլի կենտրոնում՝ Գալաթասարայի հրապարակում, իսկ յուրաքանչյուր շաբաթ օր՝ ցույցին կրում են իրենց զոհված, ձերբակալված ու անհայտ հանգամանքներում կորած որդիների լուսանկարներով ու նրանց գտնելու պահանջով ցուցապաստառներ:
Իմիջիայլոց, ցուցարար մայրերին Թուրքիայում անվանում են Շաբաթօրյա Մայրեր: Սեպտեմբերի 24-ին ներկա եղանք հերթական շաբաթօրյա ցույցին, որն անչափ բազմամարդ էր: Թերեւս, շատերը եկել էին ուղղակի դիտելու այն: Հրապարակը փակված էր, ոստիկանները մանրազնին ստուգում էին ցույցի տարածք մտնող բոլոր քաղաքացիներին:
Կարդացեք նաև
Նշենք, որ ցույցին ներկա էին Թուրքիայի խորհրդարանի պատգամավորներ, ինչպես նաեւ ՀՀ ԱԺ պատգամավոր, «Վերադարձ» հիմնադրամի նախագահ Արագած Ախոյանը:
Գոհար ՀԱԿՈԲՅԱՆ
Ստամբուլ
