Սեպտեմբերի 23-ին կայացել է ՀՀ աշխատանքի և սոցիալական հարցերի նախարարին կից հասարակական խորհրդի անդրանիկ նիստը:
Ողջունելով հասարակական խորհրդի անդամներին՝ խորհրդի նախագահ, ՀՀ աշխատանքի և սոցիալական հարցերի նախարարի պաշտոնակատար Արտեմ Ասատրյանը վստահություն է հայտնել, որ պետական կառույց և հասարակական կազմակերպություններ փոխշահավետ համագործակցությունն արդյունավետ ընթացք կունենա: «Այս ձևաչափով աշխատանքն իսկապես արդյունավետ հարթակ կլինի մեր երկրի, մեր քաղաքացիների առջև սոցիալական ոլորտում ծառացած խնդիրներին լուծումներ տալու առումով»,- նշել է նախարարը:
Անցնելով նիստի օրակարգային հարցերին՝ խորհրդի անդամներին ներկայացվել է «Երեխաների շուրջօրյա խնամքի բնակչության սոցիալական պաշտպանության հաստատությունների շրջանավարտներին խորհրդատվություն տրամադրող կազմակերպությունների ընտրության նպատակով մրցույթի անցկացման կարգը հաստատելու մասին» հրամանի վերաբերյալ տեղեկատվություն, ինչի վերաբերյալ խորհրդի անդամներն ավելի վաղ ներկայացրել էին իրենց առաջարկությունները:
Օրակարգային հարցերի շրջանակներում հասարակական խորհրդի կողմից քննարկվել են նաև խորհրդի գործունեության երկամյա ծրագրի մշակման և աշխատանքային խմբի ստեղծման վերաբերյալ հարցերը:
Կարդացեք նաև
Հանդիպման ավարտին պայմանավորվածություն է ձեռք բերվել ամփոփել բոլոր առաջարկությունները և գործունեության երկամյա ծրագիրը ներկայացնել խորհրդի քննարկմանը:
ՀՀ աշխատանքի եւ սոցիալական հարցերի նախարարության աշխատակազմ
