Նորանշանակ վարչապետ Կարեն Կարապետյանը կառավարության հենց առաջին նիստում սկսեց պահանջկոտություն ցուցաբերել, արդեն սուպեր վարչապետի համբավ է սկսում ձեռք բերել:
Մեր հարցին՝ սա, ըստ Ձեզ, նախընտրական շրջանի համա՞ր է, թե՞ կարող են այն աստիճան ազատություն տալ Կարեն Կարապետյանին, որ նրա թուրը կարողանա աջուձախ կտրել՝ ԱԺ «Ժառանգություն» խմբակցության պատգամավոր Զարուհի Փոստանջյանը պատասխանեց. «Ես չեմ կարծում, որ նա կարող է այնքան հմուտ լինել եւ այնքան ուժեղ լինել, որ կարողանա իր թրով աջուձախ կտրել: Բայց ինքը փորձում է իր մոտեցումները հրապարակել: Այն, որ նրան այդպիսի լիազորոթյուններ եւ հնարավորությոններ են տվել՝ դա երեւում է իր վարքագծից, բայց թե ինչքան դա իրեն կհաջողվի կամ չի հաջողվի՝ ժամանակը ցույց կտա»:
Մեր դիտարկմանը, որ բոլոր վարչապետներն էլ ընտրվելիս միշտ ասել են, որ խաղի կանոնները կփոխվեն, որ լավ կլինի, Զարուհի Փոստանջյանն արձագանքեց. «Խաղի կանոնները հայտարարություններով չեն փոխում: Խաղի կանոնները փոխվում են նոր համակարգի ներդրման միջոցով: Այն համակարգի, որն իր մեջ կպարունակի հակակշիռների եւ զսպման մեխանիզմներ, պետք է իր մեջ պարունակի վերահսկողության մեխանիզմ: Տվյալ պարագայում այդպիսի համակարգ ՀՀ-ում չի գործում: Ամեն ինչ ենթարկվում է մեկ անձի: Եթե մի քանի տանի առաջ այդ մեկ անձը միայն ՀՀ նախագահն էր, հիմա այդ մեկ անձը փոխվել է եւ դարձել է ՌԴ նախագահը: Կրեմլի միջոցով են այդ կարգավորումները տրվում»:
Մանրամասները՝ տեսանյութում.
Կարդացեք նաև
Հռիփսիմե ՋԵԲԵՋՅԱՆ
ճի՛շդ է ասում Տիկինը
միայն թուր-կեծակին է որ կարող է աջուձախ կտրել,
իսկ այդ ալ՝ բացառապէս իր, դիւցազներգական Զարուհու ձեռքումն է,
պարզ է
(բայց կատակը մէկդի, նոր վարչապետը բավական ինքնահավան մէկը կ’երեւա, տեսքով… մաղթենք որ ան հաջողի իր արարքները նոյնացնել դէմքի – սոսկալի – արտահայտություններին հետ… ժամանակը ցոյց կու տա…)