Ինչպես տեղեկացրել ենք, քիչ առաջ նախագահ Սերժ Սարգսյանը ստորագրեց մի քանի նախարարների նշանակման հրամանագրերը:
Ըստ այդմ, էներգետիկայի եւ բնական պաշարների նախարար Լեւոն Յոլյանին կփոխարինի Աշոտ Մանուկյանը:
Երբ մեր նոր նախարարի մասին տեղեկատվություն էինք որոնում համացանցում, հայտնաբերեցինք ՀՀ վարչական դատարանի ակտը՝ նրա դեմ: Կառավարությանն առընթեր Պետեկամուտների կոմիտեի խոշոր հարկ վճարողների հարկային տեսչության կողմից վճարման կարգադրություն արձակելու մասին հայց է ներկայացվել: Վճարման կարգադրությամբ Աշոտ Մանուկյանին պարտավորեցրել են վճարել 20 հազար դրամ: Վճարման ակտում Աշոտ Մանուկյանը ներկայացվում է որպես «Հրազդանի էներգետիկ կազմակերպություն» ՍՊԸ-ի տնօրեն:
Մանրամասները՝ նկարում:
Կարդացեք նաև
Ի դեպ, ճշտելու համար, թե ինչո՞ւ նախարարը ժամանակին չի վճարել այդ 20 հազար դրամը, որ նրա դեմ դատական ակտ է եկել՝ փորձեցինք կապվել նրա հետ պաշտոնական հաղորդագրության մեջ իր ինքնակենսագրական տվյալներում առկա բջջային հեռախոսահամարով, սակայն նախարարի հեռախոսն անհասանելի էր:
Հռիփսիմե ՋԵԲԵՋՅԱՆ
