Հոկտեմբերի 2 ՀՀ-ում կայանալիք ՏԻՄ ընտրություններում «Քաղաքացի-դիտորդ» կազմակերպությունը ներգրավելու է 380 դիտորդի` վերահսկելով Գյումրիի եւ Վանաձորի բոլոր ընտրատեղամասերը: Այս մասին այսօր «Մեդիա Կենտրոն»-ում լրագրողներին հայտնեց «Քաղաքացի-դիտորդ» նախաձեռության ներկայացուցիչ Արմեն Գրիգորյանը:
«Խոշոր համայնքներ են, մրցակցությունն էլ կարծես ուժեղ է: Կարծում եմ` ընտրակեղծիքների գործիքներն էլ են շատ լինելու, այդ պատճառով որոշել ենք ակտիվ վերահսկողություն իրականացնել»,-ասաց նա` հավելելով, որ կառույցը ներկայացուցիչներ կունենա նաեւ Կապանում, Գողթում, Գառնիում:
Նույն կազմակերպության ներկայացուցիչ Տիգրան Եգորյանն էլ հավելեց, որ իշխանությունն անելու է ամեն ինչ, որպեսզի ապահովի իր թիմակիցների համար տեղական իշխանություն. «Այդ իշխանության ռեսուրսը հետագայում պատրաստվում են օգտագործել ԱԺ-ում` տարածքային մակարդակներում իրենց կեղծիքների միջոցով ցանկալի ձայներ ապահովելու համար»:
Կարդացեք նաև
Լուիզա ՍՈՒՔԻԱՍՅԱՆ
Լուսանկարը` «Մեդիա Կենտրոն»-ի
