ՀՀ նախագահ Սերժ Սարգսյանը մի շարք նշանակումներ է կատարել:
ՀՀ նախագահի հրամանագրով Աշոտ Մանուկյանը նշանակվել է ՀՀ էներգետիկայի և բնական պաշարների նախարար, Իգնատի Առաքելյանը՝ Հայաստանի Հանրապետության գյուղատնտեսության նախարար:
Վահան Մարտիրոսյանը նշանակվել է Հայաստանի Հանրապետության տրանսպորտի և կապի նախարար, Դավիթ Հարությունյանը՝ Հայաստանի Հանրապետության կառավարության աշխատակազմի ղեկավար-նախարար:
Նախագահի մեկ այլ հրամանագրով Վարդան Արամյանն ազատվել է Հայաստանի Հանրապետության Նախագահի աշխատակազմի ղեկավարի առաջին տեղակալի պաշտոնից և նշանակվել Հայաստանի Հանրապետության ֆինանսների նախարար:
Վաչե Գաբրիելյանը նշանակվել է Հայաստանի Հանրապետության միջազգային տնտեսական ինտեգրման և բարեփոխումների նախարար, փոխվարչապետ։
Կարդացեք նաև
Ալեքսան Հարությունյանը Նախագահի հրամանագրով ազատվել է Արգենտինայի Հանրապետությունում, Ուրուգվայի Արևելյան Հանրապետությունում, Պերուի Հանրապետությունում և Չիլիի Հանրապետությունում Հայաստանի Հանրապետության արտակարգ և լիազոր դեսպանի պաշտոնից և նշանակվել Հայաստանի Հանրապետության Նախագահի աշխատակազմի ղեկավարի առաջին տեղակալ:
ՀՀ նախագահի աշխատակազմի հասարակայնության և տեղեկատվության միջոցների հետ կապերի վարչություն
Հայաստանի ամբողջ տնտեսությունը, առաջին հերթին, կախված է ՀՀ կենտրոնական բանկից, որը ենթակա չէ ՀՀ վարչապետին: Անվտանգությունը, պաշտպանությունը, դատախազությունը (վերահսկող մարմին) ենթակա չեն ՀՀ վարչապետին: Ի՞նչ կարող է անել վարչապետը (որպես կիրթ, անկախ, արդար, օրինապահ մարդ), քանի դեռ կան կոռումպացված համակարգի անպատիժ մնացած, օրենքով արտոնյալ, վառ դեմքերը՝ ՀՀ նախագահները: Ոչի՛նչ:
Ամբողջական հոդվածը կարող եք կարդալ այս հասցեով՝ https://www.aravot.am/2016/09/15/735414/
© 1998 – 2016 Առավոտ – Լուրեր Հայաստանից
Ալենին տանում են Վալենի տեղը, Վալենին բերում Ալենի տեղը ու անունը դնում, թե բան փոխեցինք: Դեռեւս կոմունիստներից եկող մարդկանցից ոչ մեկը պիտի չմնա Կառավարության համակարգում, անգամ վարչության, բաժնի պետերի մակարդակով, որ մի բան փոխվի: Թե չէ էս կրկեսին վերջ չի լինի: