Վրաստանի պաշտպանության նախարար Լևան Իզորիան հանդիպել է Թուրքիայի ցամաքային զորքերի հրամանատար, բրիգադի գեներալ Սալիհ Զաքի Չոլաքի հետ։ Այս մասին հաղորդում է «Գրուզիա Օնլայն» գործակալությունը` վկայակոչելով Վրաստանի ՊՆ մամուլի հաղորդագրությունը։
Հանդիպումը տեղի է ունեցել Վրաստանի պաշտպանության նախարարությունում։
Վրաստանի պաշտպանական գերատեսչության ղեկավարը շնորհակալություն է հայտնել Թուրքիայի իր գործընկերոջը` տարիներ շարունակ Վրաստանին ցուցաբերված քաղաքական ու գործնական աջակցության համար։
Հանդիպմանը կողմերը քննարկել են պաշտպանության ոլորտում հարաբերութունները խորացնելու հնարավորությունները։ Հաղորդագրության մեջ նշվում է, որ Կողմերն ուշադրություն են դարձրել նաև վրաց-թուրքական-ադրբեջանական եռակողմ հարաբերությունների խորացման հեռանկարներին։
Կարդացեք նաև
Պատրաստեց` Վիկտորյա ԱՆԴՐԵԱՍՅԱՆԸ
