Ինչպես արդեն տեղեկացրել ենք Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանում քննվում է Հիմնադիր խորհրդարանի անդամ Կարո Եղնուկյանի կալանքի երկարացման հարցը։
Դատարանի դիմաց մի խումբ քաղաքացիներ են հավաքվել։ ԱԻՄ առաջնորդ Պարույր Հայրիկյանը հայտարարեց, որ իրենք նպատակ չունեն ճնշում գործադրելու դատարանի վրա։
«Երկու օրից ամենայն հավանականությամբ նշելու եք Անկախության հանրաքվեի 25 ամյակը։ Այդ ժամանակ, եթե այսօր սխալ որոշում կայացնեք հրեշտակները ձեզ կպատժեն։ Ես գիտեմ, որ դատավորը պետք է ազատ լինի իր որոշումները կայացնելու հարցում, եւ որեւէ ճնշում նրա նկատմամբ կիրառելը սխալ է։ Եվ սա ճնշում մի համարեք, այլ զուտ քաղաքական հիշեցում։ Ես ձեզ Ժամանակին նվիրել եմ սեպտեմբերի 21: Այո, ես եմ նվիրել՝ անձամբ։ Հիմա ես եկել եմ ձեզ ասելու՝ այնպես մի արեք, որ սեպտեմբերի 21-ի նվիրյալներից մեկի ընտանիքը առանց իր հայրիկի այդ տոնը նշի։ Դուք, փաստորեն, կատարելով ինչ-որ հանձնարարական, հարամելու եք կարգին մարդկանց տոնը, բայց կարծում եք, որ ձեր համար անհետեւանք կմնա, նկատի ունեցեք՝ ես այսօր ձեզ եղբայրաբար զգուշացրել էի»։
Ամի ՉԻՉԱԿՅԱՆ
Կարդացեք նաև
