Կառավարման փորձագետ Հարություն Մեսրոբյանը սեպտեմբերի 17-ին «Բլից ինֆո» մամուլի ակումբում անդրադարձավ նաեւ սեպտեմբերի 21-ին կայանալիք զորահանդեսին:
«Ասում են՝ ինչո՞ւ է մեզ պետք այդ ռազմական շքերթն անել: Շատ պարզ բացատրություն կա՝ ռազմական շքերթները մենակ տաշի-տուշիի համար չի արվում, դա նաեւ ազդակ է արտաքին աշխարհին, դրա համար փող պետք է լինի: Եվ երբ ասում են՝ շքերթը չանենք, 2 միլիարդը տանք անապահովներին, ո՛չ սիրելիս, եղիր նորմալ կառավարիչ, շքերթի հարյուրապատիկը կարող ես տնտեսել իրական տեղից՝ հարկերը թո՛ղ օլիգարխները վճարեն: Մի օլիգարխը առնվազն մի քանի միլիարդ թաքցնելու է ոնց էլ լինի: Մեզ մոտ բազմաթիվ օլիգարխներ են կարող ենք ամեն օր ռազմական շքերթ անել, մի բան էլ անապահով խավին օգնել:
Բոլոր դժգոհները մոռանում են, որ իրենք կոլխոզում չեն, պետության մեջ են, եւ ռազմական շքերթը պետության կառավարման քաղաքականության ազդակների իմաստով հզոր հաղորդագրություն է: Ինչ է՝ չենք կարող գումար տնտեսել, տալ անապահով խավին, ուրեմն՝ եկեք պետական բոլոր գործառույթները տրաքեցնենք: Անլուրջ մոտեցում է»,- ասաց Հարություն Մեսրոբյանը:
Ամի ՉԻՉԱԿՅԱՆ
Կարդացեք նաև
