Արգենտինայի Կատամարկա նահանգը պաշտոնապես ճանաչել է Հայոց ցեղասպանությունը: Այս մասին հաղորդում է Prensa Armenia գործակալությունը:
Հաղորդագրության մեջ նշվում է, որ Կատամարկա նահանգն այսօր միացել է 26,199 Ազգային օրենքին, ըստ որի ամեն տարվա ապրիլի 24-ը նշվում է որպես «Մարդկանց միջև հարգանքի և հանդուրժողականության ցուցաբերման օր»՝ ի հիշատակ Հայոց ցեղասպանության:
Բուենոս Այրեսի Հայ դատի գրասենյակի ղեկավար Նիկոլաս Սաբունցույանը կարևորել է այդ որոշումը՝ հայտարարելով, որ դա ցույց է տալիս Արգենտինայի իշխանությունների հավատարմությունը ժխտողականության դեմ պայքարում:
Ազգային օրենք 26,199-ը ընդունվել է 2007թ. հունվարի 17-ին, դրան միացել են Արգենտինայի 17 նահանգ, այդ թվում Բուենոս Այրեսը:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
