«ՀՀ կառավարությունն առաջնահերթ խնդիր ունի` համախմբել կարգին մարդկանց, ներկայացնել ճիշտ իրավիճակը եւ հասնել սահմանադրության չեղարկմանը»: Այս մասին այսօր Մամուլի ազգային ակումբում ասաց ԱԻՄ առաջնորդ Պարույր Հայրիկյանը:
«Այսինքն, կառավարությունը պետք է գիտական ուսումնասիրություն կազմակերպի` երեք առանձին կազմակերպության պատվիրի հասարակական կարծիքի ուսումնասիրություն, ճշտի, թե իրականում ինչպե՞ս է քվեարկել ժողովուրդը` սահմանադրական հանրաքվեի ժամանակ: Այնուհետեւ պետք է դատի դա Սերժ Սարգսյանին»,- հավելեց Պարույր Հայրիկյանը:
Անդրադառնալով ՀՀ անկախության 25-ամյակին` նա նշեց. «Անկախության օրը դա 1918թ. մայիսի 28-ն է: Անկախության հանրաքվեն կոչել անկախության օր` դա պարզապես տգիտություն է»:
Բանախոսը նաեւ նկատեց, որ չնայած Հայաստանն անկախ է, սակայն ԱԻՄ-ականներից 3-ն այսօր բանտում են, այդ թվում` Կարո Եղնուկյանը:
Կարդացեք նաև
Լուիզա ՍՈՒՔԻԱՍՅԱՆ
