ՄԱԿ-ի Գերագույն ասամբլեայի շրջանակներում նախատեսվում է քննարկել Լեռնային Ղարաբաղի հակամարտության հարցը: Ինչպես հաղորդում է APA-ն, նման հայտարարություն է արել Ադրբեջանում ԱՄՆ դեսպան Ռոբերտ Սեկուտան:
Դեսպանը նշել է, որ ԱՄՆ-ը Մինսկի խմբի համանախագահների, ինչպես նաև Հայաստանի և Ադրբեջանի իշխանությունների հետ աշխատում է Լեռնային Ղարաբաղի հակամարտության կարգավորման ուղղությամբ:
«Անցյալ շաբաթ համանախագահները հանդիպեցին Ռուսաստանի արտգործնախարարի հետ: ՄԱԿ-ի Գերագույն ասամբլեայի շրջանակներում նախատեսվում է հանդիպում անցկացնել Ղարաբաղյան հարցի կարգավորման շուրջ: ԱՄՆ-ը կարևորում է այդ հակամարտության կարգավորումը: Մենք կարծում ենք, որ հակամարտող կողմերը պետք է հանդիպումներ անցկացնեն և աշխատեն այդ ուղղությամբ՝ հանուն տարածաշրջանում կայունության, խաղաղության և բարօրության ապահովման»,- ասել է Սեկուտան:
Անդրադառնալով ԵԱՀԿ Մինսկի խմբի ամերիկացի համանախագահ Ջեյմս Ուորլիքի այն հայտարարությանը, որ ԱՄՆ-ը Հայաստանին ու Ադրբեջանին միայն քիչ քանակությամբ պաշտպանողական զենք է մատակարարում, Սեկուտան ասել է, որ ծանոթ չէ այդ հայտարարությանը: «Կարող եմ ասել, որ մեր համագործակցությունը կայանում է նրանում, որ Ադրբեջանի զինված ուժերը համապատասխանեցնենք ՆԱՏՕ-ի ուժերին»,- ասել է դեսպանը:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
