«Երկու օր առաջ պատմական իրադարձություն տեղի ունեցավ` ընդդիմության եւ իշխանության միջեւ ստորագրվեց վերափոխված ընտրական օրենսգրքի նոր տարբերակը, որը հերթական անգամ եկավ ապացուցելու` ՀՀԿ-ն, Հայաստանի իշխանությունները ամենաշահագրգռվածն են, որպեսզի 2017թ. խորհրդարանական ընտրությունները լինեն օրենքի տառին համապատասխան»,-այսօր ՀՀԿ նիստից հետո լրագրողների հետ ճեպազրույցում ասաց ՀՀԿ խոսնակ Էդուարդ Շարմազանովը:
Հիշեցնենք, որ ԱԺ ՀՀԿ, ԲՀԿ, ՀԱԿ, ՕԵԿ և ՀՅԴ խմբակցությունների ներկայացուցիչները ստորագրել էին ընտրական գործընթացների նկատմամբ վերահսկողության մեխանիզմների ներդրման վերաբերյալ համաձայնագիրը:
Շարմազանովն այն «ջենտլմենական» որակեց. «Այն շատ լուրջ աշխատանք էր պահանջում: Մենք հասանք նրան, որ այլեւս կա քաղաքական համաձայնություն, եւ իշխանություններն արեցին հնարավորը, որ խորհրդարանական ընտրությունները մեր ընդդիմադիր գործընկերներին բավարարեն»:
Անդրադառնալով սեպտեմբերի 18-ին եւ հոկտեմբերի 2-ին սպասվելիք ՏԻՄ ընտրություններին` Էդուարդ Շարմազանովը նկատեց` քաղաքացիներն իրենք կորոշեն, թե ում են վստահում:
Կարդացեք նաև
Լուիզա ՍՈՒՔԻԱՍՅԱՆ
Եթե քաղաքացիները որոշեին թե ում են վստահում, ապա ՀՀԿ-Ի հետքն անգամ չէր լինի խորհրդարանում, ոչ էլ Սերժ Սարգսյանը կլիներ նախագահի պաշտոնում: