Հայաստանում միջին ամսական անվանական աշխատավարձը 2016թ. առաջին կեսին հասավ 185,5 հազար դրամի, ինչը, ըստ ԱՎԾ-ի, 2.5 տոկոսով գերազանցում է նախորդ տարվա նույն ժամանակի ցուցանիշները։
Երբ ուսումնասիրում ենք տարբեր տարիներին Հայաստանում եղած միջին աշխատավարձը, սպառողական զամբյուղը եւ ապրելու համար անհրաժեշտ գումարը, տեսնում ենք, որ թեեւ աշխատավարձը տարեցտարի ավելանում է, սակայն ապրելը դժվարանում է. աշխատավարձի աճը շատ դեպքերում չի նշանակում, թե քաղաքացին սկսում է նորմալ ապրել, որովհետեւ, առաջին հերթին, այդ ավելացումը համարժեք չէ գնաճին։ Հիմա մարդիկ քիչ ավելի շատ են ստանում, քան նախկինում, բայց չեն կարողանում ավելի լավ ապրել։
Աշխատավարձի բարձրացում վերջին անգամ շատ կտրուկ զգացվեց պետական սեկտորում՝ 2014թ. հուլիսին։
2016թ. ամենաբարձր աշխատավարձը գրանցվել է տեղեկատվության եւ կապի, ֆինանսական եւ ապահովագրական գործունեության, լեռնահանքային արդյունաբերության ոլորտներում։ Ամենացածր վարձատրվող ոլորտներն են մշակույթի, ժամանցի եւ հանգստի, գյուղատնտեսության ոլորտները։ Նույն պետական մակարդակում կա թե 80 հազար դրամ ստացող մշակույթի աշխատող, թե 400 հազար դրամ ստացող բանկիր։ Պետությունը, փաստորեն, ավելի է կարեւորում ֆինանսական ոլորտը, քան ուսուցիչներին, գիտնականին:
Կարդացեք նաև
Սեւակ ՀԱԿՈԲՅԱՆ
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
