Մոսկվայում կսկսեն հետևել Մաքսային միության երկրներից եկած ներգաղթյալներին: Gazeta.ru-ի հետ առցանց հարցազրույցում նման հայտարարություն է արել Մոսկվայի շրջանային անվտանգության և կոռուպցիայի դեմ պայքարի բաժնի ղեկավար Ալեքսեյ Մայորովը:
«Մենք ունենք քաղաքացիների մի մեծ դասակարգ, որոնք իրավունք ունեն աշխատելու առանց արտոնագրի: Մասնավորապես, դրանք այն երկրներից եկածներն են, որոնք մտնում են Միասնական մաքսային միության մեջ: Ստուգումները ցույց են տվել, որ այդ քաղաքացիները, որոնք, օրինակ, աշխատում են առևտրի և սպասարկման ոլորտում, միշտ չէ, որ ունենում են համապատասխան բժշկական հսկողություն: Միշտ չէ, որ գործատուները հարկեր վճարելիս նրանց հաշվառում են»,- ասել է նա:
Մայորովը նշել է, որ 2016թ. վերջին հստակ առաջարկներ կմշակվեն Մոսկվայի և դաշնային մակարդակներով:
«Դրանք կլինեն առաջին հերթին օրենսդրական գործիքներ և այս կամ այն ծառայությունների անցկացման հարցով գործընթացների կարգավորում: Մենք պետք է այնպես անենք, որ այն մարդիկ, ում արտոնագիր պետք չէ, կարողանան նույնքան հեշտությամբ ստանալ բոլոր փաստաթղթերը, որքան այն ներգաղթյալները, ում համար արտոնագիրը պարտադիր է»,- ասել է Մայորովը:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
